ទឹកអប់ជាគ្រឿងសម្អាងប្រភេទម្យ៉ាងបម្រើដល់ឃានវិញ្ញាណឱ្យទទួលបាននូវក្លិនក្រអូបប្រហើរពោរពេញទៅដោយភាពស្រស់ស្រាយ។ បច្ចុប្បន្ន ទឹកអប់បានដើរតួនាទីយ៉ាងសំខាន់ក្នុង ជីវភាពរស់នៅប្រចាំថ្ងៃមិនថាបុរសឬស្រ្តីនោះឡើយ ព្រោះវាជាគ្រឿងកំណត់នូវគុណតម្លៃជីវិតមួយដែលបង្ហាញពីភាពទាក់ទាញនិងជឿជាក់ផងដែរ។ ទន្ទឹមនឹងនេះ ការមិនស្គាល់ឬមិនយល់ពីប្រភេទទឹកអប់នីមួយៗ អាចធ្វើឱ្យយើងមានការភាន់ច្រឡំ និងទទួលបានអារម្មណ៍មួរម៉ៅក្តៅក្រហាយទៅវិញទេ ព្រោះថាគ្រប់ប្រភេទទឹកអប់គឺសុទ្ធតែមានលក្ខណៈពិសេសរបស់វារៀងៗខ្លួន ហើយមិនមែនគ្រប់ម៉ាកទឹកអប់សុទ្ធតែស៊ីគ្នានឹងក្លិនខ្លួនឬអត្តចរិតពីធម្មជាតិរបស់អស់លោកអ្នកនោះឡើយ។
ដោយទទួលបានការឧបត្ថម្ភពីហាងម៉ូដស្ទ័រ ក្រុមការងាទស្សនាវដ្ដីម៉ូដបានធ្វើការស្រាវជ្រាវពីប្រភេទនៃទឹកអប់និងភាពខុសគ្នារបស់វា ដ្បិតប្រភេទខុសគ្នារបស់វាអាចធ្វើលោកអ្នកមានការយល់ច្រឡំ ប្រសិនបើលោកអ្នកមិនទាន់បានឈ្វេងយល់លម្អិតពីវា។ ដូច្នេះ ទស្សនាវដ្ដីម៉ូដសូមណែឱ្យលោកអ្នកទៅស្គាល់ប្រភេទទឹកអប់ធំៗ ចំនួនបីប្រភេទ ដើម្បីឱ្យដឹងថា តើប្រភេទណាមួយដែលឆ្លើយតបនឹងតម្រូវការរបស់លោកអ្នក។
១/ Toilette (Eau de Toilette ឬ EDT )៖
វាជាប្រភេទទឹកអប់មានសមាសធាតុផ្សំពីក្លិនឆួលនៃប្រេងក្រអូបសុទ្ធប្រមាណ 5% ទៅ 15% នៅក្នុងជាតិអាល់កុល។ ជាធម្មតាវាអាចប្រើប្រាស់ និងជាប់ក្លិនបានប្រមាណជា ៣ទៅ ៤ ម៉ោងតែប៉ុណ្ណោះ។ ទឹកអប់ប្រភេទនេះសក្ដិសមជាមួយលោកអ្នកដែលចាញ់នឹងក្លិនឆួលខ្លាំង ហើយចង់ប្រើវាតែនៅពេលណាចាំបាច់ម្ដងម្កាលតែប៉ុណ្ណោះ ក្នុងនោះមានដូចជាម៉ាក Montblanc Legend, BOSS Bottled និង Burberry Brit Rhythm ជាដើម។
២/ Eau de Parfum ( ឬ EDP )៖
ជាប្រភេទទឹកអប់ដែលប្រើបានទូទៅទាំងបុរសនិងស្រ្តី។ ទឹកអប់ប្រភេទនេះមានបរិមាណផ្សំពីប្រេងក្រអូបសុទ្ធប្រមាណ 15 % ទៅ 20 % ហើយវាអាចប្រើប្រាស់ និងជាប់ក្លិនបានរយៈពេលប្រមាណ ៥ ទៅ ៨ ម៉ោងឯណោះ។ ការប្រើប្រាស់របស់ទឹកអប់មួយប្រភេទនេះភាគច្រើនបាញ់នៅលើ សម្លៀកបំពាក់ និងលើសក់ហើយសក្ដិសមជាមួយលោកអ្នកដែលមមាញឹកនឹងការងារពេញម៉ោង។ ទឹកអប់ប្រភេទនេះមានដូចជាម៉ាក Burberry London, COACH Floral ជាដើម។
៣/ Perfum ៖
ទឹកអប់ប្រភេទនេះវាមានតម្លៃថ្លៃបន្ដិច ដោយសារតែវាផ្សំឡើងដោយសារធាតុពិសេសៗនិងមានក្លិនក្រអូបនៃជាតិប្រេងក្រអូបប្រមាណ 20% ទៅ 30% ឯណោះ។ វាជាប្រភេទទឹកអប់តែមួយគត់ដែលអាចប្រើប្រាស់ និងមានក្លិនក្រអូបជាប់បានរហូតដល់ទៅ 24 ម៉ោងលើ24ម៉ោង។ គេប្រើប្រាស់វាដោយបាញ់ទៅលើស្បែក លើចំនុចជីពចរ កញ្ចឹងក គុម្ពត្រចៀក និងកដៃទាំងសងខាង។
ចាប់ផ្ដើមឈ្វេងយល់ពីប្រភេទម៉ាកទឹកអប់ដែលឆ្លើយតបនឹងតម្រូវការរបស់អ្នក ហើយក៏គួរតែត្រៀមខ្លួនក្នុងការប្រើប្រាស់ផលិតផលសុទ្ធល្អជំនួយដល់សុខភាពស្បែកផងដែរ។ ដើម្បីជៀសវាងទិញប៉ះចំទឹកអប់ក្លែងក្លាយលក់នៅតាមទីផ្សារជាពិសេសទីផ្សារអនឡាញ ទស្សនាវដ្ដីម៉ូដសូមណែនាំ ហាងមួយដែលមានកេរ្តិ៍ឈ្មោះល្បីសុសសាយក្នុងការនាំយកផលិផលសុទ្ធ១០០% នោះ គឺហាង ម៉ូដស្ទ័រ ដ្បិតហាងមួយនេះត្រូវបានមហាជនជាច្រើនទទួលស្គាល់ថា ជាហាងដែលនាំចូលនិងលក់ផលិតផលសុទ្ធពីបរទេសដូចជា សហភាពអឺរ៉ុប សហរដ្ឋអាមេ៉រិក អូស្រ្តាលី និង ជប៉ុន ជាដើម។ ទិញផលិតផលអូរីជីណលសុទ្ធ ១០០% នាំចូលពីបរទេស ពីហាងម៉ូដស្ទ័រ ធានាទាំងគុណភាពនិងតម្លៃ ជួយឱ្យជីវិតអស់លោកអ្នកពេញដោយភាពស្រស់ថ្លានិងសុភមង្គល៕
