អត្ថប្រយោជន៍ដ៏សម្យូរបែបរបស់កូនឃ្មុំ

លោកអ្នកប្រហែលជាធ្លាប់បានដឹងរួចមកហើយពីអត្ថប្រយោជន៍ទឹកឃ្មុំ និងកូនឃ្មុំ ដ្បិតអ្នកខ្លះបានយកវាមកលាបមុខឬទទួលទាន ហើយលោកអ្នកក៏ប្រហែជាធ្លាប់រីករាយក្នុងការទទួលទានផ្លិតឃ្មុំដែលមានជាប់កូនឃ្មុំតូចៗពណ៌សៗផងដែរ ជាពិសេសពេលយើងធ្វើដំណើរទៅតាមបណ្ដាខេត្ត។ កូនឃ្មុំមិនត្រឹមតែមានរសជាតិឆ្ងាញ់ពិសាប៉ុណ្ណោះទេ តែថែមទាំងមានអត្ថប្រយោជន៍ដ៏លើសលប់។ អ្នកដឹកនាំក្រុមស្រាវជ្រាវរបស់សកលវិទ្យាល័យ Stanford University នៅសហរដ្ឋអាមេ៉រិកគឺលោក Kevin Wang បានមានប្រសាសន៍ប្រាប់សារព័ត៌មាន The Guardian ថា កូនឃ្មុំអាចជួយព្យាបាលជំងឺវង្វេងវង្វាន់ស្មារតី ខ្សោយបេះដូង និងខ្សោយសាច់ដុំបាន។ អ្នកស្រាវជ្រាវរូបនេះបានបន្តថាសារធាតុកូនឃ្មុំក៏ជួយបង្កើតកោសិកាស្បែកថ្មីដើម្បីជួសជុល និងទ្រទ្រង់សារពាង្គកាយផងដែរ។ការស្រាវជ្រាវបែបវេជ្ជសាស្រ្តជាច្រើនក៏បានរកឃើញថាសារធាតុកូនឃ្មុំមានផ្ទុក៖

ជាតិទឹកពី ៥០ ទៅ ៦០%
ប្រូតេអុីន ១៨%
កាបូហាយដ្រាត (carbohydrate) ១៥%
លីពីត (ជាតិខ្លាញ់ល្អដែលសារពាង្គកាយត្រូវការចាំបាច់) ពី ៣ ទៅ ៦%
អំបិលរ៉ែ (mineral salts) ១.៥%

លើសពីនេះទៅទៀត សារធាតុកូនឃ្មុំក៏មានផ្ទុកបរិមាណប្រូតេអុីនវីតាមីន អង់ស៊ីម និងអាស៊ីតអាមីណូយ៉ាងច្រើន សម្រាប់ការចិញ្ចឹម និងអភិវឌ្ឍរាងកាយ ហើយវាត្រូវបានគេចាត់ទុកថាជាសារធាតុមួយដែលសម្បូរទៅដោយជីវជាតិចិញ្ចឹម ដែលផ្តល់អត្ថប្រយោជន៍ជាច្រើនដល់សុខភាព និងសម្រស់។ ដោយសារតែអត្ថប្រយោជន៍មហាសាលនេះហើយទើបសារធាតុកូនឃ្មុំត្រូវបានអ្នកឯកទេសជនជាតិជប៉ុនយកទៅផ្សំជាមួយសារធាតុសំខាន់ផ្សេងៗទៀត ដើម្បីផលិតបាននូវផលិតផលថែរក្សាសុភាព និងសម្រស់ដូចជា៖ គ្រីមម៉ូសប្យូ រ៉ូយ៉ាល់ វ៉ាយ ព្រីមៀម ដោយផលិតផលនេះផ្សំឡើងពីប្រូតេអុីនកូនឃ្មុំជាសារធាតុបំប៉នដែលមានអានុភាពខ្លាំងក្លា រួមជាមួយសារធាតុផ្សំសកម្ម ៤៥ មុខផ្សេងទៀតពីប្រទេសជប៉ុន ដែលមានប្រសិទ្ធភាពខ្ពស់ធ្វើឲ្យស្បែកមុខសម៉ដ្ឋភ្លឺរលោងស្អាត។ សារធាតុកូនឃ្មុំមានអត្ថប្រយោជន៍ជាច្រើនដូចជា ការពារពីប្រភេទនៃជំងឺមហារីក (មហារីកដោះ) ការពារថ្លើម ជំនួយដល់ខួរក្បាល និងបង្កើនការចងចាំ ប្រយុទ្ធប្រឆាំងនឹងកូលេស្តូរ៉ូល ពង្រឹងឆ្អឹងនិងបង្ការជំងឺពុកឆ្អឹង បង្កើនប្រព័ន្ធភាពស៊ាំ ។ល៕