នាឡិកាម៉ាក Michael Kors (MK) មានភាពគួរឱ្យទាក់ទាញនិងល្បីល្បាញដោយសារស្ទីលរបស់ខ្លួនដែលរចនាឡើងតាមគន្លងរវាងភាពថ្លៃថ្នូរនិងភាពក្លាហាន។ នាឡិកាម៉ាក MK រចនាឡើងស្របតាមរបត់សង្គមជាន់ខ្ពស់និងជាមូលដ្ឋានដែលមានការជំរុញឆ្ពោះទៅរកម៉ាកប្រណីតទំនើប។
ភាពល្បីល្បាញនិងទាក់ទាញរបស់នាឡិកាម៉ាក MK នេះ ហាក់បីដូចជាផ្តល់ឱកាសឱ្យការចម្លងម៉ាកផលិតផលផងដែរ។ អតិថិជនមួយចំនួនបានទិញប៉ះចំនាឡិកាម៉ាក MK ក្លែងក្លាយផងដែរ។ ដើម្បីជាសវាងការទិញនាឡិកា MK ក្លែងក្លាយ ម៉ូដអាស៊ីសូមលើកយកគន្លះមួយចំនួនក្នុងការត្រួតពិនិត្យមើលថា តើនាឡិកាម៉ាក MK ដែលអតិថិជនបានទិញនោះជាផលិតផលសុទ្ធឬក៏ក្លែងក្លាយ។
១. ទម្រង់មុខនាឡិកា
ដើម្បីត្រួតពិនិត្យមើលនាឡិកាម៉ាក MK សុទ្ធ យើងគួរពិចារណានិងពិនិត្យមើលនិមិត្តសញ្ញាឬឡូហ្គូ និងទ្រនិចនាឡិកា។ ចំពោះឡូហ្គូនាឡិកាម៉ាក MK នីមួយៗ មានភាពស៊ីសង្វាក់គ្នាយ៉ាងល្អឥតខ្ចោះទៅនឹងឡូហ្គូរបស់ម៉ាកសញ្ញារបស់ក្រុមហ៊ុន។ តួអក្សរមានមានចន្លោះនិងត្រូវបានដាក់តម្រៀបស្មើគ្នាយ៉ាងល្អខ្ចោះ ហើយតួអក្សរនីមួយៗត្រូវបានផលិតឡើងពីលោហធាតុដែលមានគុណភាពខ្ពស់។ ជាពិសេស លោកអ្នកគួរត្រួតពិនិត្យមើល ការប្រកបពាក្យនៃម៉ាកសញ្ញានៃផលិតផលថាតើវាមានភាពត្រឹត្រូវឬអត់។ ផលិតផលក្លែងបន្លំអាចនឹងមានកាធ្វេសប្រហេសចំពោះរឿងនេះដែលធ្វើឱ្យយើងចាប់កំហុសឬបញ្ជាក់ថាវាជាផលិតផលក្លែងក្លាយបាន។
ចំពោះទ្រនិចនាឡិកាវិញ សូមពិនិត្យមើលទ្រនិចតូចៗ (សម្រាប់ម៉ូដដែលមានទ្រនិចតូចៗផ្សេងទៀតក្រៅពីទ្រនិចចម្បង) ដើម្បីឱ្យប្រាកដថាវាដំណើរការបានល្អហើយស៊ីសង្វាក់គ្នានឹងទ្រនិចចម្បង។ ទ្រនិចតូចៗនៃផលិផលក្លែងបន្លំជួនកាលមិនមានដំណើរការល្អ ឬមិនមានភាពស៊ីសង្វាក់នឹងទ្រនិចចម្បង ដ្បិតអ្នកក្លែងបន្លំមានការធ្លោះធ្លោយឬអាចគិតថា អតិថិជនអាចនឹងមិនចាប់អារម្មណ៍ចំពោះភាពចំនុចតូចៗទាំងនេះ។
២. ផ្ទៃខាងក្រោយ
នាឡិកាម៉ាក MK នីមួយៗមានលេខកូដសម្គាល់ផលិផលផលដែលសរសេរនៅផ្នែកខាងក្រោយដែលមានភាពងាយស្រួលក្នុងការបញ្ជាក់ថាតើវាជាផលិតផលសុទ្ធឬក៏ក្លែងក្លាយ។
នាឡិកាម៉ាក MK ត្រូវបានរចនាឡើងនិងផ្តល់ព័ត៌មានឱ្យបានច្រើនតាមដែលអាចធ្វើទៅបានដើម្បីបញ្ជាក់ពីគុណភាពនៃវត្ថុធាតុដើមត្រូវបានយកមកផលិត។ លោកអ្នកអាចសង្កេតឃើញមានការឆ្លាក់នៅលើផ្នែកខាងក្រោយដូចជា៖ ព័ត៌មាននៃកាលបរិច្ឆេទនៃការផលិត លេខសម្គាល់ និងពាក្យ “AL STAINLESS STEEL” ដែលត្រូវបានឆ្លាក់ភ្ជាប់ទៅផ្នែកខាងក្រោយ។
ទម្រង់នៃការសរសេរកាលបរិច្ឆេទនៃការផលិតមានលេខ ៦ខ្ទង់គឺ ថ្ងៃ ឆ្នាំ ខែ (DDYYMM format) ដោយមិនមានចន្លោះនោះទេ (សូមមើលរូបខាងក្រោមគឺរូបឆ្វេងនិងស្តាំ)។
សម្រាប់លេខកូដសម្គាល់វិញគឺត្រូវាបានសរសេរជាទម្រង់ដែលមានតួអក្សរ MK និងលេខបួនខ្ទង់ (MK-XXXX) ឧទាហរណ៍ដូចជា MK-5693 ហើយលេខសម្គាល់នេះបញ្ជាក់ពីម៉ូឌែលរបស់ផលិតផល។ លេខសម្គាល់ត្រូវបានឆ្លាក់ភ្ជាប់យ៉ាងល្អឥតខ្ចោះ។
នាឡិកាម៉ាក MK ពិតប្រាកដនឹងមានបោះត្រា MK នៅលើម្កុដហើយព័ត៌មានលម្អិតរបស់នាឡិកាត្រូវបានឆ្លាក់នៅផ្នែកខាងក្រោយ (មើលរូបភាពឆ្វេង&ស្តាំ)។ រូបភាពខាងឆ្វេង៖ ម៉ូឌែលនេះមានលេខសម្គាល់ MK-3230 និងត្រូវបានផលិតនៅថ្ងៃទី ២៥ ខែកក្កដាឆ្នាំ ២០១៣ ។ រូបភាពខាងស្តាំ៖ ម៉ូឌែលនេះមានលេខកូដសម្គាល់ MK-5605 និងត្រូវបានផលិតនៅថ្ងៃទី ២៥ ខែ មីនា ឆ្នាំ ២០១៩។
៣. ខ្សែនាឡិកាដៃ
នាឡិកាម៉ាក MK តែងតែប្រើដែកអុីណុកដែលមានការភ្ជាប់ PVD សម្រាប់ខ្សែដៃនាឡិកាដែក ហើយវាមានភាពរលោងនិងល្អឥតខ្ចោះ។ ខ្សែរបស់វាក៏មានសញ្ញាព្រួញដែលឆ្លាក់ភ្ជាប់នឹងខ្សែដៃនាឡិកាដែលមានភាពជាប់ធន់ដែលមិនអាចដកចេញឬកោសលុបបាន។ ផលិតផលក្លែងក្លាយអាចនឹងមិនមានសញ្ញាព្រួញត្រូវបានឆ្លាក់ភ្ជាប់នឹងខ្សែបានល្អនោះទេ។
ផលិតផលម៉ាក MK ត្រូវបានគេទទួលស្គាល់ថាជាផលិតផលល្អហើយមានអ្នកគាំទ្រ ជាច្រើននៅលើពិភពលោក។ ចំពោះអតិថិជនដែលនិយមប្រើបា្រស់ផលិតផលអូរីជីណលម៉ាក MK មានដូចជា កាបូប គ្រឿងក្រអូប នាឡិកាដៃជាដើម លោកអ្នកអាចរកជាវបាននៅហាង ម៉ូដស្ទ័រ ដោយហាងមួយនេះត្រូវបានមហាជនទូទៅទទួលស្គាល់ថាជាហាងដែលបាននាំចូលផលិតផលសុទ្ធ ១០០% ពីបរទេសដូចជា សហភាពអឺរ៉ុប សហរដ្ឋអាមេ៉រិក និង អូស្រ្តាលី ជាដើម។ ហាងមួយនេះទទួលបានការគាំទ្រពីមហាជន ដ្បិតហាងនេះផ្តល់ជូនអតិថិជននូវភាពជឿជាក់និងទំនុកចិត្តខ្ពស់ ជាពិសេសហាងនេះផ្តល់ជូនអតិថិជនរបស់ខ្លួនផលិតផលម៉ាកល្បីៗរបស់ពិភពលោកហើយនឹងសុទ្ធ ១០០% ៕
