លោកអ្នកប្រហែលជាបានជ្រាបខ្លះនិងដឹងខ្លះមកហើយពីប្រភេទទឹកអប់ដែលមានលក់នៅលើផ្សារ តាមរយៈអត្ថបទដែលទស្សនាវដ្ដីម៉ូដបានចែករំលែកកន្លងមក ឬតាមរយៈកាអានព័ត៌មានផ្សេងៗ។ ថ្ងៃនេះទស្សនាវដ្ដីម៉ូដសូមចែករំលែកនូវចំណេះដឹងពីប្រភេទក្លិនទឹកអប់ចំនួន ៤ ប្រភេទរបស់ទឹកអប់ម៉ាក ហ្សាណែល (Chanel) ជាម៉ាកដ៏ល្បីរបស់បារាំង ដែលទទួលបានការនិយមគាំទ្រពីសំណាក់អតិថិជនទូទាំងពិភពលោក។
ទី១ទឹកអប់ ហ្សាណែល អាលួ ពួរ អូម សម្រាប់បុរស (Chanel Allure Pour Homme) ជាប្រភេទអូដឺថ្វាឡែត (Eau De Toilette) មានចំណុះ 100 មិល្លីលីត្រ មានក្លិនផ្លែក្រូចលាយនិងខ្លឹមឈើក្រអូបរាងហឹរដូចជីអង្កាម ដែលផ្តល់នូវភាពទាក់ទាញដល់អារម្មណ៍អ្នកដែលនៅក្បែរឲ្យងឿងឆ្ងល់នឹងចង់ស្វែងយល់។ ទឹកអប់ប្រភេទនេះស័ក្កិសមបំផុតសម្រាប់អ្នកធ្វើការនៅការិយាល័យនិងធុរជនទាំងឡាយ ដែលចូលចិត្តក្លិនក្រអូបបែបស្រស់ស្រាយ។
ទី២គឺទឹកអប់ ហ្សាណែល ហ្សង់ សម្រាប់ស្រ្តី(Chanel Chance) ជាប្រភេទអូដឺប៉ាហ្វាំ (Eau De Parfum) ក្រអូបជាប់បានយូរគឺរហូតដល់ទៅ២៤ម៉ោង មានចំណុះ 100 មិល្លីលីត្រ មានក្លិនផ្កាលាយក្លិនឈើនិងក្លិនម្សៅក្រអូបដែលធ្វើឲ្យមានក្លិនធ្ងន់ តែមិនឈួលខ្លាំង ស័ក្តិសមបំផុតជាមួយនឹងអ្នកដែលចូលចិត្តតែងខ្លួនបែបហាយសូ។ វានឹងផ្តល់នូវទំនុកចិត្តខ្ពស់ ហើយល្អបំផុតប្រើសម្រាប់លោកអ្នកទៅចូលរួមកម្មពិធីផ្សេងៗ។
ទី៣គឺទឹកអប់ ហ្សាណែល លេខ៥ (Chanel Nº5) សម្រាប់ស្រ្តី ជាប្រភេទអូដឺប៉ាហ្វាំ (Eau De Parfum)ក្រអូបជាប់បានយូរដូច Chanel Chance ដែរមានចំណុះ 100 មិល្លីលីត្រ មានក្លិនពិសេសដែលចម្រាញ់ចេញពីខ្លឹមឈើ និងផ្កាលាយច្រើនមុខជាមួយនឹងម្សៅឈើក្រអូប ដែលផ្តល់នូវក្លិនក្រអូបឈ្ងុយឈ្ងប់ ហើយវាជាប្រភេទទឹកអប់ដែលស្ត្រីអភិជននៅតំបន់អឺរ៉ុបនិយមប្រើប្រាស់ខ្លាំងបំផុត។
ទឹកអប់ទី៤ គឺហ្សាណែលលេខ១៩ (Chanel Nº19) សម្រាប់ស្ត្រី ជាប្រភេទអូដឺប៉ាហ្វាំ (Eau De Parfum) មានចំណុះ 100 មិល្លីលីត្រ មានក្លិនក្រអូបមុតឆ្អិត លាយជាមួយក្លិនឈើនិងផ្កាដែលក្រអូបបែបធម្មជាតិ។ ទឹកអប់ប្រភេទនេះត្រូវបានគេចាត់ទុកថា ជាដៃគូមិនគួរមើលរំលងសម្រាប់ស្រ្តី ធុរជននិងអ្នកធ្វើការក្នុងការិយាល័យ ដ្បិតវាត្រូវបាញ់ជាប្រចាំថ្ងៃ ដោយសារវាផ្តល់នូវក្លិនក្រអូបបានយូរ។
លោកអ្នកអាចរកជាវទឹកអប់អូរីជីណលម៉ាកហ្សាណែលខាងលើនេះបាននៅហាង ម៉ូដស្ទ័រ ជាហាងនៃបណ្តុំម៉ាកផលិតផលប្រណីតសុទ្ធ១០០%ដ៏សម្បូរបែប ដែលមានកេរ្តិ៍ឈ្មោះល្បីសុសសាយក្នុងការនាំយកផលិផលសុទ្ធមកកាន់ប្រទេសកម្ពុជា ហើយហាងមួយនេះត្រូវបានមហាជនជាច្រើនទទួលស្គាល់ថាជាហាងលក់ផលិតផលសុទ្ធ១០០%ពីបរទេសដូចជា សហភាពអឺរ៉ុប សហរដ្ឋអាមេ៉រិក អូស្រ្តាលី និង ជប៉ុន ជាដើម៕
