កាបូប Chanel’s Classic Flap Bag គឺជាម៉ូដមួយក្នុងចំណោមម៉ូដដ៏ល្បីបំផុតក្នុងពិភពហ្វេស្សិន។ ម៉ូដនេះត្រូវបានបង្ហាញខ្លួនភ្លាមៗ បន្ទាប់ពីអ្នករចនាម៉ូដដ៏ល្បីជនជាតិអាឡឺម៉ង់ លោក Karl Lagerfeld បានចូលបម្រើការងារជាមួយប្រេន Chanel នៅពាក់កណ្តាលទសវត្សឆ្នាំ ១៩៨០។ ម៉ូដនេះត្រូវបានរចនាឡើងដើម្បីផ្តល់នូវភាពស៊ីវិល័យដល់នារីសម័យថ្មី។ ម៉ូដ Classic Flap នេះ បានភ្ជាប់នូវសញ្ញាសម្គាល់ «CC»។ កាបូប Chanel ម៉ូដនេះទទួលបានប្រជាប្រិយភាពភ្លាមៗក្រោយពីបានដាក់តាំងបង្ហាញ ប៉ុន្តែទន្ទឹមនឹងភាពល្បីល្បាញរបស់ម៉ូដនេះ វាក៏បានក្លាយជាការព្រួយបារម្ភពីការក្លែងបន្លំទៅលើម៉ូដនេះផងដែរ។
ដើម្បីកាត់បន្ថយការក្លែងបន្លំ ដំបូងក្រុមហ៊ុន Chanel បានចាប់ផ្តើមផលិតកាបូបដៃនិងគ្រឿងតែងលម្អរដែលមានលេខសម្គាល់ (Serial numbers) ក្នុងឆ្នាំ ១៩៨៦។ លេខសម្គាល់ដែលត្រូវបានប្រើជាគោលក្នុងការសម្គាល់ពីផលិតផលសុទ្ធ គឺត្រូវបានភ្ជាប់ទៅនឹងផ្នែកខាងក្នុងកាបូប និងដើម្បីបញ្ជាក់ពីពេលវេលានៃការផលិត។
លេខសម្គាល់នីមួយៗគឺមានតែមួយគត់ចំពោះកាបូបឬផលិតផល Chanel មួយ ហើយមិនមានលេខសម្គាល់ណាមួយដែលត្រូវបានប្រើម្តងទៀតលើផលិតលដទៃទៀតនោះទេ។
ក្រុមហ៊ុន Chanel បានចាប់ផ្តើមប្រើស្ទីកឃឺលេខសម្គាល់ (serial numbers) នៅជាប់នឹងកាបូប ជាមួយនឹងកាតបញ្ជាក់ពីផលិតផលសុទ្ធ (authenticity cards) ដែលមានលេខសម្គាល់ត្រូវគ្នា។
កាតបញ្ជាក់ពីផលិតផលសុទ្ធមានការផ្លាស់ប្តូរបន្តិចបន្តួចពីមួយពេលទៅមួយពេល ប៉ុន្តែកាតទាំងនោះគឺត្រូវបានធ្វើពីប្លាស្ទិចខ្មៅដែលមានតួអក្សរពណ៌សនិងគែមពណ៌មាស។ ខាងក្រោមគឺជា គំរូលេខសម្គាល់ដែលមានលេខសម្គាល់ត្រូវគ្នានឹងលេខក្នុងកាតបញ្ជាក់ពីផលិតផលសុទ្ធ។ កាបូបទី ១ ដែលមានលេខសម្គាល់ជាស៊េរីលេខសូន្យ ចំណែកកាបូបមួយទៀតដេលមានលេខសម្គាល់ដែលផ្តើមដោយលេខស៊េរី ១៦។
ទោះបីជាកាបូប Chanel ត្រូវបានផលិតនៅចន្លោះឆ្នាំ ១៩៨៦ រហូតដល់បច្ចុប្បន្ន ហើយរាល់កាបូបដែលត្រូវបានផលិតឡើងដោយមានបិទភ្ជាប់នូវស្ទីកឃឺលេខសម្គាល់ និងមានភ្ជាប់កាតបញ្ជាក់ពីផលិតផលសុទ្ធក៏ពិតមែន តែមិនមានន័យថា កាបូបដែលគ្មានស្ទីកឃឺលេខសម្គាល់សុទ្ធសឹងតែជាផលិតផលក្លែងក្លាយទាំងអស់នោះទេ ដ្បិតស្ទីកឃឺលេខសម្គាល់អាចត្រូវបានខូចខាតដោយប្រការណាមួយ ឬកាតបញ្ជាក់ពីផលិតផលសុទ្ធអាចត្រូវបានដាក់ច្រឡំគ្នា។
លេខសម្គាល់ដំបូងគេ (Serial Numbers)៖
លេខសម្គាល់ដំបូងបំផុតត្រូវបានបិទលើស្ទីកឃឺពណ៌សដែលមាននិមិត្តសញ្ញា ឬឡូហ្គូ (Logo) «CC»។ លេខសម្គាល់នីមួយៗមានលេខ ៧ ខ្ទង់ដែលបានបិទភ្ជាប់នៅផ្នែកខាងឆ្វេងនៃស្ទីកឃឺពណ៌ស។
រូបខាងក្រោមបង្ហាញពីកាបូបដែលផលិតនៅចន្លោះឆ្នាំ ១៩៨៩ និង ១៩៩១។
នៅទសវត្សឆ្នាំ ១៩៩០ ស្ទីកឃឺលេខសម្គាល់របស់ម៉ាក Chanel បានចាប់ផ្តើមវិវដ្តន៍ជាមួយនឹងនិមិត្តសញ្ញា «CC» ដែលត្រូវបានបិទភ្ជាប់នៅលើស្ទីកឃឺ។ លេខសម្គាល់ដែលបានបិទភ្ជាប់នៅលើកាបូប ហើយផ្នែកខាងក្រោមមានភ្ជាប់ ឡូហ្គូ CC ពណ៌ខ្មៅស្រអាប់នៅលើស្ទីកឃឺ។
លេខសម្គាល់ លេខ ៥ ដំបូងគេ បង្ហាញថា កាបូបនេះត្រូវបានផលិតនៅចន្លោះឆ្នាំ ១៩៩៧-១៩៩៩ ។
ការវិវដ្តន៍នៃលេខសម្គាល់៖ ពីលេខស៊េរី ៥ រហូតដល់សព្វថ្ងៃ
ចាប់ផ្តើមនៅជិតចុងបញ្ចប់នៃផលិតផលស៊េរីលេខ ៥ ក្រុមហ៊ុន Chanel បានបន្តកិច្ចប្រឹងប្រែងប្រឆាំងនឹងការក្លែងបន្លំ ដោយបន្ថែមលក្ខណៈពិសេសបន្ថែមទៅស្ទីកឃឺលេខសម្គាល់ (Serial number stickers)។ លេខសម្គាល់នៅតែត្រូវបានបិទភ្ជាប់លើស្ទីកឃឺពណ៌ស ប៉ុន្តែស្ទីកឃឺទាំងនោះត្រូវបានបិទភ្ជាប់ទាំងស្រុងជាមួយនឹងបន្ទះពណ៌មាសនិងពណ៌ខៀវភ្លឺផ្លេកៗ។ លេខសម្គាល់ទាំងនេះត្រូវបានបិទលើហូឡូក្រាហ្វិចស្ទីកឃឺពីរជាន់ (ស្ទីកឃឺមានពណ៌ច្រើនភ្លឺផ្លេកៗ)។ ស្រទាប់ខាងក្រោមត្រូវបានបិទភ្ជាប់ដោយលេខសម្គាល់ (Serail number)និងឆ្លាក់ជាអក្សរ X ដែលធ្វើឲ្យមានការពិបាកក្នុងលុប បើមិនការបំផ្លាញស្ទីកឃឺទាំងស្រុង។ វាមានបន្ទាត់បញ្ឈរពណ៌ប្រផេះរត់កាត់នៅគែមខាងឆ្វេងនិងពាក្យ CHANEL ដែលមាននិមិត្តសញ្ញា “CC” បញ្ឈរតូចមួយនៅគែមខាងស្តាំ។
រូបភាពខាងក្រោមជាគំរូលេខសម្គាល់កាបូបដែលមានចាប់ពីស៊េរី លេខ៦ ដល់ស៊េរីលេខ ២៦។
លេខសម្គាល់ស៊េរីលេខ ៦ ខាងលើបង្ជាក់ថា កាបូបត្រូវបានផលិតនៅចន្លោះឆ្នាំ ២០០០-២០០២ ។
ស្ទីកឃឺលេខសម្គាល់ស៊េរីលេខ ៩ ខាងលើបង្ហាញថា កាបូបត្រូវបានផលិតនៅចន្លោះឆ្នាំ ២០០៤-២០០៥ ចំណែកឯកាបូបស៊េរី លេខ១៤ ត្រូវបានផលិតនៅឆ្នាំ ២០១១។
ស្ទីកឃឺលេខសម្គាល់លេខ ២៦ ខាងលើបង្ហាញថា កាបូបត្រូវបានផលិតនៅឆ្នាំ ២០១៩ ។
ព័ត៌មានបន្ថែមដើម្បីស្វែងយល់អំពីលេខសម្គាល់កាបូបរបស់ Chanel រួមមាន៖
- ស្ទីកឃឺលេខសម្គាល់ត្រូវបានបញ្ចូលទៅក្នុងកាបូប Chanel តាមវិធីពីរយ៉ាងផ្សេងគ្នា៖
- ស្ទីកឃឺលេខសម្គាល់ត្រូវបានភ្ជាប់ដោយផ្ទាល់ទៅនឹងស្រទាប់ខាងក្នុង
- ផលិតផលភាគច្រើនដែលមានស្រទាប់ស្បែកខាងក្នុង នឹងមានបិទភ្ជាប់ដោយផ្ទាល់ទៅនឹងស្រទាប់នោះ។
- ស្ទីកឃឺលេខសម្គាល់ដែលត្រូវបានបិទភ្ជាប់ដោយផ្ទាល់ទៅនឹងស្រទាប់ ឬអាចត្រូវបានដាក់ជាមួយលេខប្រឈមផ្នែកខាងស្តាំឬដាក់ត្រឡប់ចុះក្រោម (upside-down)។
- ស្ទីកឃឺលេខសម្គាល់ត្រូវបានភ្ជាប់ជាមួយផ្ទាំងស្បែកនៅខាងក្នុងរបស់កាបូប
- ស្ទីកឃឺលេខសម្គាល់ត្រូវបានភ្ជាប់ដោយផ្ទាល់ទៅនឹងស្រទាប់ខាងក្នុង
តារាងលេខសម្គាល់ (Serial numbers)
ខាងក្រោមនេះ ជាតារាងលេខសម្គាល់របស់ប្រេន Chanel និងឆ្នាំនៃកាផលិត។
សម្គាល់៖ លេខសម្គាល់ស៊េរីលេខសូន្យ ដល់ស៊េរីលេខ ៩ មានលេខប្រាំពីរខ្ទង់ ចំណែកឯ លេខសម្គាល់ស៊េរីលេខ ១០ ដល់ស៊េរីលេខសម្គាល់សព្វថ្ងៃមានលេខ ៨ ខ្ទង់។
ផលិតផលម៉ាក Chanel ត្រូវបានគេទទួលស្គាល់ថាជាផលិតផលប្រណិតល្អ ហើយផលិតផលនេះមានអ្នកគាំទ្រ និងអតិថិជនទូទាំងពិភពលោក។ ចំពោះអតិថិជនដែលនិយមប្រើបា្រស់ផលិតផលអូរីជីណលម៉ាក Chanel មានដូចជា កាបូប គ្រឿងសម្អាង គ្រឿងក្រអូប គ្រឿងអលង្ការ នាឡិកាដៃ សម្លៀកបំពាក់ …ជាដើម អាចរកជាវបាននៅហាង ម៉ូដស្ទ័រ ដោយហាងមួយនេះបាននាំចូលផលិតផលសុទ្ធ ១០០% ពីបរទេសដូចជា សហភាពអឺរ៉ុប សហរដ្ឋអាមេ៉រិក អូស្រ្តាលី និង ជប៉ុន ជាដើម៕
